Ua maua mai se lipoti lata mai a leoleo e tusa ai o le faalavelave na lipotia atu i talafou i le aso ananafi e faatatau i ni tagata na manunu’a mai se faalavelave i se nofoaga maotua i Kuiniselani.
Ua faailoa mai e leoleo e to’afā tagata mai le aiga e tasi na faamanu’alia i le aso ananafi ina ua tafana e le tagata i le fale i Bogie, fai mai e to’alua alii ma se tamaitai na maliliu ai lava i lea nofoaga ma e talitonuina o si ulugalii ma le la tama tama, Mervyn ma Maree Schwarz ma le la tama o Graham Tighe. O le isi o la alo tama o Ross Tighe na mafai ona faasaoina mai ae o loo manu’a foi ma o ia lea sa lipotia le faalavelave.
Ua faailoa e leoleo o se alii e 59 tausaga o loo latou taofia i le taimi nei ma e ono molia lava i le asō. O le faamatalaga a leoleo o le fanua lea na tupu ai le faalavelave o se fanua tele e masalo pe faitau afe o eka ma e fai si maomao ese mai ni tuaoi.
O loo feta’uaina foi o i latou o loo aofia i le mataupu lea e tuaoi ma o loo faaauau nei su’esu’ega.
