E to’a 11 tagata Vietnam na toe tipoti ese ma Niu Sila ona o mariuana e tusa ma le $18 miliona le tau lea ua faaleagaina e leoleo.

E 30 fale o lea na osofa’i e leoleo i le vaiaso talu ai i nuu e iai Counties Manukau, taulaga i Aukilani faapea Waitemata ma maua ai laau totō o mariuana e tusa lea ma le 3,385 ma le 48kg o fualaau faasāina ua mae’a faamamago.

E tusa le tau o fualaau faasāina nei ma le $18 miliona ma o lea na saisai mai ai le to’a 11 tagata.

O le to’atele o i latou nei e faapea o loo nonofo i Niu Sila faasolitulafono ma o lea ua toe tipoti uma e le Immigration a Niu Sila.

Fai mai ai ma le Immigration o lea ua oese atu ma Niu Sila ma o lea foi ua taunuu i Vietnam.

O loo faasolo pea su’esu’ega a leoleo ma i lipoti e faapea o laau faasāina nei sa totō i totonu o fale ma e tai tutusa lava foi ma fualaau faasāina lea na maua e le’i mamao atu i Ausetalia.

Puna o Faamatalaga: Eleven deported, $18m of cannabis seized in Auckland sting