Ua teena e le vaega o femalagaiga visa o nisi o le au galulue I luga o le va a le Bold, o lea ua le afea ai Niu Sila ae faasasao I Ausetalia
O le Bold 85 mita lona umi na faamoemoe e afea Niu Sila mo galuega toe faaleleia lea e faapea e tusa ma le ¾ miliona lona tau, atoa ai ma le fia matamata I le tuuga a le America’s Cup ananafi
Peitai, o le toafitu o le 23 o ona tagata faigaluega e le I taliaina e le vaega o femalagaiga talosaga mo visa e mafai ai ona ulufale mai
I le faaiuga a le vaega o femalagaiga, mai le 23 talosaga mo visa o ni tagata galulue I luga o vaa, o le isi toafitu e foliga mai ua na o ni pasese ae e le o moomia tele mo le mafuaaga o le oo mai o le vaa I Niu Sila
O loo sau ai ma le faamalamalamaga a le alii pule o loo gafa ma talosaga o visa mo tuaoi, Peter Elms, mo auvaa mai atunuu I fafo e faatoa mafai ona talia talosaga mo tagata galulue pe afai e faamaonia I suesuega a le vaega o femalagaiga o nisi e moomia mo le mafuaaga e pei ona sau ai le talosaga
Ua toe faamamafa mai ai e le vaega o femalagaiga I latou o loo iai fuafuaga e fia agai mai I Niu Sila mo faigamalaga faapenei, e tatau ona mautinoa ua maea tuuina atu le faatagana mai le vaega o femalagaiga faatoa omai.
