E tāua tapenaga a le tatou aulakapi taitoafitu ua filifilia mo le vae mulimuli o le taamilosaga i le atunuu o Sepania, lea o le a faagasolo i le faaiuga o lenei vaiaso, auā o se taamilosaga o le a saili ai pe tatou te tumau pea i ‘au e 12 pito i luga mo le isi taamilosaga faaauau o sosoo ai.
Ua faailoa e le pulega o le aulakapi taitoafitu a le Manu Samoa e toavalu nisi o tama o le ‘au ua lē mafai ona auai i Sepania ona o manu’aga o loo aafia ai.
Peitai o lea ua toe mafai ona taaalo nisi o le ‘au e pei o Vaafauese Apelu Maliko, Motu Opetai, Taunuu Levaea, Neueli Leitufia ma Elisapeta Alofipo.
O le toavalu o tama o le ‘au o loo manunu’a o Vaovasa Afa Su’a, Paul Scanlan, Levi Milford, BJ Telefoni Lima, Uaina Tui Sione, Jeff Levy, Toma Maiava ma Pisi Leilua. O le tatou ‘au ua filifilia mo le vae i Sepania o le a amata i le Aso Faraile nei ae mae’a i le aso 2 o Iuni o :
1 VAAFAUESE APELU MALIKO (C)
2 MOTU OPETAI
3 DAN PATELESIO
4 FAAFOI FALANIKO
5 ELISAPETA ALOFIPO
6 MALAKESI MASEFAU
7 PAUL ETI ALESANA-SLATER
8 DES SEPULONA FAOA
9 TAUNUU NIULEVAEA
10 STEVE ONOSAI
11 NEUELI LEITUFIA
12 TUNA TUITAMA
13 ENOSA AFEMAI
