Ua talo le fonotaga faatopetope a le Labour e su’esu’e ma iloa ai le i’uga o le faipule mai Sisifo o Hamilton, Gaurav Sharma.
O le tala mai lea a le Palemia Jacinda Ardern a o faaauau ai pea ona faailoa tuua’iga a Sharma i luga o le Facebook faasaga i le pati.
O tuua’iga nei ua faasalalau e Sharma e faapea o loo sauaina pe bully ia ma isi faipule, ma o lea foi na faalauiloa e Sharma screenshots poo ata o loo lomia ai faamatalaga a isi sui a faipule e lagolago ai ana faamatalaga.
I lipoti a le TV1 o loo faailoa ai foi e se tasi o faipule a le Labour e lē o finagalo e faailoa lona suafa, e moni o loo iai le bully i totonu o le pati faapea ai ma le Palemene.
O le laga ai o lenei mataupu ua faailoa ai e se tasi ua moomia le komesina o loo faatalanoaina le amio na te iloiloina.
O nei tuua’iga uma o loo matua’i teena e le Labour, ma o ni tuua’iga foi ua saunoa ai le palemia e faia e le pati le faai’uga ma o le a maua ai foi le avanoa e faaleo mai ai finagalo o sui ma iloa ai loa le isi laasaga mo Sharma.
