Ua solosolo mai i luga i le lisi o tusifolau e tele o latou malosiaga, le tusifolau Niu Sila.
Fai mai lipoti i le asō e 190 nofoaga e mafai ona faimalaga iai le tagata Niu Sila e aunoa ma le manaomia o se visa.
O lea ua tulaga fā tutusa Niu Sila, Norway, Denmark, Belgium, Switzerland ma le UK ae o Singapore le atunuu lea ua matuai malosi lona tusifolau i le lalolagi, e 195 nofoaga e mafai ona faimalaga ai le tagata i le tusifolau Singapore e aunoa ma le manaomia o se visa.
O atunuu o loo tulaga lua, tutusa ai Siamani, Farani , Italia, Iapani ma Spain.
Tulaga tolu e tutusa ai Austria, Finland, Aialani, Luxembourg, Netherlands, Korea i Saute ma Sweden.
O Niu Sila sa tulaga ono peitai ua see mai i le tulaga fā ae o Afghanistan lea ua pito i lalo o le lisi.
O faamaumauga e aoina mai le International Air Transport Association lea e faatusatusa ai tusifolau e 199.
Puna o Faamatalaga: https://www.1news.co.nz/2024/07/24/new-zealand-jumps-in-passport-power-rankings
