E faitau miliona tagata Ausetalia o le a maua tupe faaopoopo i a latou taga pe a amata faamamalu le siitaga i peimeni ia o le social security i le aso a taeao.
Ua amata atu ai ona maua siitaga i penisiona mo tagata matutua, penisiona mo i latou e iai aafiaga tumau ma i latou e tausia gasegase.
Fai mai se faataitaiga o le tulaga o le a iai mo se tagata e toatasi e fua i lana penisiona o loo maua e faaopoopo iai ma le fesoasoani mo le eletise energy supplement e ono oo atu i le mauluga e $1,116.30 a le tagata e toatasi i le lua vaiaso ae mo se ulugalii e ono oo atu i le $1,682.80 i le lua vaiaso.
O isi peimeni e pei o le rent assistance, job seeker, parenting payment single ma le Abstudy o le a iai uma foi suiga.
Fai mai le minisita o le Social Services, Amanda Rishworth o i latou o loo maua nei peimeni o le toatele o latou sa galulue mo le fia tausaga ma iai o latou sao i le atunuu ma o se tulaga lelei lea e toe maua ai se fesoasoani mo latou i lenei foi vaega o le soifuaga.
