O le faai’uga o lenei vaiaso ua sauni atu ai le ‘ausoka a alii mai Samoa i le taamilosaga e sa’ili ai so latou avanoa i le Ipu o le Lalolagi, ma e lē faigofie.
O le afiafi o le Aso Faraile o lenei vaiaso i le 4 i le afiafi o le a taaalo ai Samoa ma le ‘au malosi a le atunuu o Tahiti ma o le a faia lea taaloga i Hamilton i Niu Sila.
O le isi taaloga sa’ili avanoa a le ‘ausoka a Samoa o le a feiloa’i ai ma Niu Sila i le Aso Gafua asau ma e faia lea taaloga i le ‘afa o le fitu i le afiafi lea e faia i Aukilani.
O tapenaga a ‘ausoka a Samoa ma le atunuu o Vanuatu e faigata e pei ona lipotia ai e le leitio a Niu Sila, e mafua ona o ‘au o le a latou taaalo o ni ‘au lelei tele i le taaloga soka i atunuu o le Oceania.
O loo mana’omia ai e le ‘au a le atunuu le lagolago a Samoa i se tapua’iga i Hamilton ma Aukilani e pei ona faailoa ai i lea lipoti.
Manuia lau tapua’iga i le taumafaiga a le ‘ausoka a Samoa.
