Ua sauni atu le isi vaega e to’a 21 o le fuimu a Niu Sila e fesoasoani i le aufuimu i Kanata mo le tapēina o le silia ma le 800 o afi o loo sasao solo ane i le atunuu.

O le a agai atu i latou ia i Alberta ma ua faaopoopo atu lea aofai i le aumalaga e to’a 7 na agai muamua i le vaiaso talu ai.

Fai mai sui o le tineimu e lē faigofie le galuega aemaise o tulaga i le tau.

Ua fuafua a itiiti mai pe ā ma le lima vaiaso e faatino ai le galuega ma ua faailoa o nei ituaiga galuega e tāua tele mo le aufaigaluega mo le aoina mai foi o le tomai i le faatinoina o ia ituaiga auaunaga auā le fesoasoani ai i le atunuu i taimi e aafia i faalavelave faapea.

Puna o Faamatalaga: https://www.rnz.co.nz/news/national/523461/more-new-zealand-firefighters-head-to-battle-canadian-wildfires