Fai mai o loo lamatia atoa le Pasefika i le mataupu ua folasia mai nei e le Minisita o le Soifua Mālōlōina a Fiti e faapea ua toe pepesi le HIV i lo latou atunuu.

O Dr Ratu Atonio Rabici Lalabalavu na ia folasia ua 1093 isi gasegase o le HIV ua faamauina mai ia Ianuari – Setema  2024 ma ua manaomia le fesoasoani a tagatanuu uma o Fiti.

O komiuniti, sosaiete ma faatuatuaga faapea foi le vaega tuma’oti ma sootaga faavaomalo e ao ona tutū faatasi e faailoa aafiaga o le tulaga ua iai nei ma faamautinoa o loo maua e i latou ua aafia le tausiga ma le lagolago e mana’omia.

O le amataga o Tesema na valaau ai le Fiji Medical Association i le malo ina ia faailoa ua pepesi le HIV ma ia ave iai le faamuamua.

O le faamatalaga la mai le faatonu aoao o le UNAIDS Pacific Eamonn Murphy ua ia ta’ua ai o le siitia o le aofa’i o tagata ua aafia i Fiti ua tuu ai ma le Pasefika atoa i se tulaga lamatia.

O Fiti o loo lona lua i atunuu e aupito vave ai le faatupula’ia o le HIV i le Atu Asia ma le Pasefika.

Puna o Faamatalaga: https://www.rnz.co.nz/international/pacific-news/538804/entire-pacific-region-at-risk-unaids-on-fiji-hiv-outbreak