O uiga louloua o le tau ua lipotia mai ua aafia ai vaega o Fiti ua faasolo ina malosi ma avea ma se afa I lona vaega muamua poo le category 1 pei ona faamaonia mai ele vaaitau a lea atunuu.
Fai mai o le afa o Cody ua fuafua o le a faaopoopo pea lona malosi i nai aso o muamua ma e ta ane le 6 ile taeao analeila o loo taatia le afa i le itu i saute i sisifo o Kadavu.
E foliga mai o le afa o loo aga atu mo le itu saute i sisifo ma agai ese ai ma le atunuu o Fiti. O nai aso ua tuanai sa lipotia ai uiga louloua o le tau i luga o le atunuu ma afua ai lologa sa feagai ma le atunuu. O le aso Sa na lipotia ai le malemo o se allii 35 tausaga ao taumafai e kolosi le vaitafe ao pa.
Fautuaina e le vaaitau le atuuuu ina ia nonofo i fale ma agai mamao ese ma nofoaga o loo aafia ae ua lipotia mai ua silia ma le 300 tagata ua faamautu atu nei i nofoaga faapitoa poo evacuation centers i totonu o Fiti.
