Ua lipotia i le RNZ o se tasi o galuega mulimuli sa feagai ma le HMNZS Manawanui a o lei magoto i gataifale o Samoa, o le mata’itū lea o gaioiga a se tasi o vaa sa mau i ā’au o se tasi motu o le Pasefika.
O le vaa fagota mai Taiwan o le FV Chuan na pa’ulia i ogasami o Niue i le 2022 ma faasaoina mai ai tagata e to’a 11 sa iai i luga, fai mai le RNZ e oo mai i le taimi nei e lei toe maua lava nisi faamatalaga fou o le mataupu lea mai le mālō o Niue ma Niu SIla ma sa faailoa e se sui mai se tasi o faalapotopotoga i Niue e igoa o le NOW, o le faamautinoaina e lē toe tula’i mai se tulaga faapea i ogasami o le atunuu, sa tuuina atu ai le galuega lea i le vaa ua aafia nei le Manawanui.
Sa o latou faatino ai su’esu’ega ma le faapipiina o radars auā a latou su’esu’ega.
Peitai o lea la ua aafia foi le Manawanui i se faalavelave tali tutusa ma e lipotia pe ā ma le 5 afe sikuea mita o le ā’au poo le reef ua faaleagaina i gataifale o Samoa ina ua magoto ai.
Fai mai la le Palemia o Niue i se lipoti aupito lata mai, o loo fia iloa poo ā tonu gaioiga sa faia a le vaa Taiwan lea i ogasami puipuia o lona atunuu i le lua tausaga talu ai ma ua umi tele se taimi o tatali se lipoti i lea mataupu.
Puna o Faamatalaga: https://www.rnz.co.nz/international/pacific-news/530313/manawanui-surveyed-wreck-of-suspicious-taiwanese-fishing-vessel-in-niue
