Na mu le pasi na iai meatotino a fanau aoga Aukilani.

O le toe foi mai o fanau aoga a le aoga tulagalua a Pasadena i Point Chevalier i le mae’a ai o le tolauapiga na faafuasei ona pe le pasi i Waikato.

Na faaauau mai ai i se tasi o pasi le faigamalaga, ae toso mai pea le pasi ua leaga ma meatotino a fanau o loo iai i totonu.

Peitai na faafuasei ona mu le pasi a o toso, ma faaleagaina uma ai meatotino a fanau aoga.

O faamaoniga mai le puleaoga ananafi i tala a le Newshub, e lē faigofie i fanau aoga ua faaleagaina meatotino i le afi ma o lea o loo fesoasoani iai le pulega faapea i latou e faufautua.

E faafetaia ona e leai se isi o le fanau na aafia ai.