O loo faaauau pea ona su’esu’e e leoleo sootaga aga’i i tagata galulue e to’atolu i le malaevaalele i Aukilani lea ua molia i moliaga o le aumaia faananā o fualaau faasāina i totonu o le atunuu.
Masalomia e le vaega o tiute gaioiga faalilolilo o loo tuua’ia ai i latou nei i le malaevaalele ma su’esu’e loa, ma o lea na maua ai o le to’atolu ua molia o lea na o latou aveesea mai se container mai le faigamalaga na sau mai Meleisia i le aso 12 o le masina nei.
Ua foi mai su’esu’ega na faia ma mautinoa ai o methamphetamine lea sa i totonu o le container, lea e faapea e tusa ma le 58 kg le mamafa, tusa lea e lata i le 2.9 miliona e maua mai ai.
O le aso lava lea na tutula’i ai i luma o le faamasinoga.
Peitai o ananafi lea na toe osofa’i ai e leoleo faapea le vaega o tiute fale e lima ma o lea na toe maua ai isi foi fualaau faasāina.
O loo faasolo pea nei su’esu’ega i lenei mataupu, ma e lē fou le aafia o tagata galulue i tuaoi i le aumaia faananā o fualaau faasā nei i totonu o le atunuu.
Puna o Faamatalaga: Inside job? Auckland Airport workers charged over 58kg meth seizure
