Ua maliu le uluai tagata ua faamaonia a Niu Sila le aafia i le rabies.
O le tagata e faimalaga mai fafo ma na ta’ua e le soifua maloloina, o lea na maua lea tagata i le rabies i atunuu i fafo a o lei malaga mai i le atunuu.
O le rabies o se siama e feavea’i mai manuaga e mafua ona o meaola ma e tele ina maua i le silia ma le 150 atunuu ma fasiotia ai le faitau sefulu afe o tagata i totonu o le tausaga.
E le o iai se tulaga lamatia i tagata lautele ona o le tagata na sau ma le rabies, ma o lea na taofia i le falemai i Aukilani i le amataga o Mati faapea le falemai i Whangarei lea na muamua taofia ai.
Na saunoa le minisita o le soifua maloloina ananafi Dr Ayesha Verrall e le o iai sona popolega i le pesia o nisi o tagata mai lē ua maliu ma o le rabies foi e le pipisi.
O le fautuaga ua tuuina mai ai, afai o loo e sauni e malaga i se atunuu o loo malosi ai le rabies e fautuaina le faia o se tuipuipui o le rabies.
