Ua fautuaina ma una’ia e le malo tagata Ausetalia ia faaeteete i le faaaogāina o le auaunaga tau fesoota’iga a Saina, le AI Chatbot, Deepseek.
Saunoa ai le minisita o le Saienisi, science minisita o Ed Husic e tatau i tagata ona silasila i itu tau le puipuiga a o le’i tuu atu o latou faamaumauga i le auaunaga lea o le Deepseek.
Fai mai a ia e tatau ona fai e le tagata ia lana filifiliga i le faaaogāina o ia auaunaga ae lelei ona faailoa manino i tagata o loo faaaogāina ia auaunaga le tulaga sao o lona faaaogāina.
Fesiligia e nisi pe faamata la o le a faia foi i le app lea o le Deepseek e pei ona faia i le Tiktok ma faasā lona faaaogāina i masini a le malo o Ausetalia, fai mai Husic o le mataupu la lea e tuu i le faai’uga a le minisita o feagai ma lea matafaioi, le minisita o auaunaga lautele, Katy Gallagher.
Puna o Faamatalaga: https://www.abc.net.au/news/2025-01-29/federal-politics-live-blog-january-29/104870084
