E le sa’o lea mea o le tipoti mai e Ausetalia o ona tagata ma ona faafitauli ia Niu Sila, e ui o le olaga atoa o Ausetalia
O le le fiafia lea o le tamaitai palemia, Jacinda Ardern ua faaali atu ia Ausetalia e tusa ma le tina 26 tausaga ma lana fanau toalua e faapea o se terorisi lea na taumafai e kolosia tuaoi o Turkey mai Suria
I ripoti e foliga mai e le fou ia Jacinda faapea le palemia o Ausetalia, Scott Morrison le mataupu faatatau I lea tina, ma e faapea o le 6 o ona tausaga na ia tuua ai Niu Sila I le ae agai atu I Ausetalia ma nofo ai, mulimuli ai tuua Ausetalia ma agai atu I Suria
Ona o le taua o ia o se tagata terorisi ua saunoa ai le alii palemia o Ausetalia, ua aveese nei lea faamanuiaga o le taua o se tagata sitiseni Ausetalia, ma o loo finau lava Morrison o se faaiuga ua faia mo le lelei o ona tagata
Peitai, o le toe aveese o lona sitiseni Ausetalia, ua toe foi mai ai loa ia Niu Sila, ma o se tulaga ua le fiafia ai Jacinda ona e foliga mai o le alo o Ausetalia I taimi e ui I faigata I tagata ua mau sitiseni mo lea atunuu, e uma ane lava ua toe tipoti mai iinei e ui o lea na tele tausaga na nofo ai I Ausetalia Taua e Jacinda I se feiloaiga ma tusitala, o le a le mapu ai le faatalanoa o mataupu faapenei ma Ausetalia, ma ona o le manatu I le fanau iti e toalua a le tina terorisi ua toe su’e nei le atunuu e ave iai, afai ae le toe aumaia e Ausetalia, o le a fesootai loa Niu Sila I le malo o Turkey mo se faaiuga aua le saogalemu o le fanau
