Ua alu i luga le pasene o tagata palota o loo lagolagoina pea le avea o Christopher Luxon ma Palemia o Niu Sila.
O le i’uga lea o le isi palota faapolokiki a le 1News lea na faamauina ai e 5% ua alu ai i luga palota a tagata e fiafia i le Palemia o loo iai nei.
I isi ta’ita’i, e leai se suiga i palota a Chris Hipkins o le Labour faapea David Seymour o le ACT, 1% ua omai ai i luma Chloe Swarbrick o le Greens ma Winston Peters o le NZ First.
O le alu i luga o pasene mo le Palemia ia Luxon, o le siitaga tele lea mo ia talu ona seei mai i le tofiga.
Peitai e ui i lea tala fiafia mo le Palemia, a faatusa pasene o loo ia mauaina i isi Palemia ma a latou ulua’i nofoaiga, o lea e fai si maualalo o Luxon.
Tuu mai i palota o patī, leai se suiga mo patī e tolu o loo osia le faigamalo i le taimi nei.
Puna o Faamatalaga: Poll: Voters warming to Luxon as PM, party votes hold firm (1news.co.nz)
