E lē o toe mamao aloa’ia le tulafono fou ua pasia e le Palemene lea e faasā ai ona toe vaaia sui o kegi ma a latou togiga poo nisi lava foi faailoilo e iloa ai i latou i nofoaga faitele.
O le Gangs Act 2024 lea na pasia i le amataga o le tausaga, lea foi o le a tuu atu ai i leoleo malosiaga fou e osofa’ia ai ma faia o latou tiute pe afai ae soli e sui o kegi lenei tulafono fou.
A o le’i aloa’ia ai la i le Aso Tofi o le vaiaso a sau, o lea ua fesoota’i leoleo i ta’ita’i o kegi ma faamanino iai sā o loo sau ma le tulafono lea e lē mafai ai ona toe la’eiina togiga nei i nofoaga faitele.
O le fe’au mai le ofisa o leoleo, o lea ua pasia e le Palemene le tulafono ma o lo latou tiute o le faamalosia, afai ae soli, o lona uiga o le a faaaogā loa le malosi’aga o loo sau ma le tulafono fou.
Puna o Faamatalaga: Police engage with gang leaders ahead of public patch ban taking effect
