O le tamaitai sui sinia o le Matagaluega o Punaoa Fa’alenatura ma le Siosiomaga ia Grace Laulala o se sui sinia o lea na faailoa i luga o le
Facebook sana tusitusiga e fa’atoese fa’alauaitele ai i ana fa’amatalaga na lafo faasaga i sui filiifilia o le FAST faatasi ai ma Loia a lea vaega faaupufai.
O nei lafoga na faia fa’asaga i le taitai o le Fa’atuatua i le Atua Samoa ua Tasi, Fiame Naomi Mata’afa, o susuga i Loia ia Taulapapa Brenda Heather Latu faapea Matafeo George Latu ae le gata i lea o se sui faipule a le FAST ia Leatinuu Wayne So’oalo.
Na ia taua i lana fa’atoesega “ ua lagona lona salamo ma ua ia lagona ua ia soloia le va tapuia ma le va nonofo ai o se tagata faigaleuga a le Malo”
O lenei mataupu na fa’aali ai manatu o le taitaifono a le FAST susuga ia La’aulialemalietoe Leuatea Polataivao Schmidt e faapea “ ua fa’aali le lē migao ma le lē mafaufau i upu ma fa’amatalaga ua lafo i le faigamalo a le FAST, mafua mai ona o loo mulimulita’i i aga ma tū o loo fai i le taimi lenei ”
Ma ua fautauina ai e La’auli le atunuu ina ia lafo atu pea le fa’atuatuaga le vaega fa’aupufai “let us handle it” o loo galulue i auala filemu ma le saogalemu mo Samoa.
