O aiga faigaluega e lē o mafai ona totogiina rent e tusa pe toalua tagata faigaluega ua faatupulaia pea ona faaopoopo atu ia i latou ua faamalosia le nonofo i faleie ma taavale e pei ona faailoa mai e le vaega o loo fesoasoani ia i latou ia i le faaitu o Northland.

O le tamaitai o Monika Welch e pei ona lipotia i le leitio faavaomalo a Niu Sila na te saunia taumafa mo nai aiga o feagai ma ia luitau e tauala i lana Charity Finkk (Families in Need Kerikeri) na amata i le 10 tausaga talu ai.

Fai mai Monika o le taimi nei o le toatele ua agai atu mo fesoasoani o nai aiga e faigaluega uma mātua full time peitai ua lē gafatia lava ona totogi fale.

Fai mai a ia e na o le tasi lava sina mea e faaletonu e pei o le faaletonu le taavale poo se pusaaisa ma tulaga e manaomia i aso taitasi e se aiga, ae matuai atili ai ona le a’ua’u le faasoa.

Fai mai sia tamaitai o kapaka i Northland ua tele ina tutumu i tagata ua aumau i totonu o a latou taavale ma e foliga o loo faatupulaia pea lea aofai.