Ua faamaonia le siaki o le Koviti o se tasi o tagata faigaluega I le faletalimalo a le Auckland’s Grand Millennium
O le po anapo na faailoa mai ai e le vaega o le soifua maloloina lea case fou, ma e faapea na maua I siaki masani a tagata faigaluega o loo galulue I nofoaga o faanofoesea ai tagata mai fafo
I faamatalaga ua tuuina mai o loo atagia mai ai le faalogoina ma vaaia o auga o le fulu I lea tagata faigaluega, ma e tuufaatasia tala o le taeao o loo faanofoesea le ua faamaonia lona siaki ma lona aiga I lo latou fale I Aukilani, ma e ono auina atu I le faletalimalo a le Jetpark I le aso e tusa ma tala a le leitio Niu Sila
E le o mautinoa foi I le taimi nei poo le mea ua uma ona faia le tui o le Koviti o lea tagata, ma e le I faailoaina mai foi nofoaga na ia asia
O loo talia nisi faamatalaga auiliili mai le soifua maloloina I le aso ao talia ai foi ma le iuga o suesuega a le genome sequencing
Ae mo lenei lava aso, o le aso lenei o le tausaga talu ai na tuu ai Niu Sila I lana uluai lockdown
