Finagalo faaalia o nisi ile taaloga o le lakapi pei ona agiga I lipoti ma tusitusiga I upega tafailagi I le vaiaso nei ua faailoa ai ma finagalo faapea ua oo I le taimi e faapaleni ai e le World Rugby le tulaga o le faatinoina o le taaloga ma ona tulafono aemaise lava ile faia oni suiga I eligibility rules poo tulafono e patino I agavaa o tama taaalo e taaalo ai I au eseese.
O nisi o finagalo ua taua ai afai e amiotonu le World Rugby I ana fuafuaga e faaleleia tulaga o taaloga pei o test rugby, ua tatau la ona fai se faiga I nisi o mataupu. I le stuff ile aso o loo faaalia ai finagalo I le mataupu e faatatau I le valaauina e le All Blacks o le alii taalo o Samisoni Taukeiaho ae faatoa maea le fetauiga ma Tonga na oo ai ai ile silia ma le 100 I le faaiuga o le vaiaso talu ai. E le o fesiligia le agavaa o le alii taalo I le tomai aemaise foi sa aumau lava I Hamilton talu mai le 2014.
Peitai o le finagalo laualuga o le ituaiga tulaga lava lea e matele ina iai alii taaalo mai le pasefika , e tele atu le avanoa e aofia ai ise au e manumalo I le ipu o le lalolagi pe a aofia ile All Blacks ma sili atu foi tupe maua, peitai o soo se taimi e agai ai alo o le pasefika e taaalo mo au tetele ia e pei o le all blacks , Enelagi, Farani ma le Wallabies, ua atili ai foi ona lautele le va o au ia I le tier 1 ma au mai atunuu tau atiae, ma ua alaga tatau ai I le World Rugby ona fai se faatatau ma faataga nisi o tulaga e ono mafai ai ona mafai ona taaalo nai alo o le pasefika ua saini konekarate I ia au tetele, I au mai o latou lava atunuu.
