E lē o iai se tulaga e afaina ai fua le feagaiga a Niu Sila ma le Atu Kuki ona o le osiga feagaiga ua mae’a sainia nei a le Atu Kuki ma Saina.
O saunoaga nei a le Palemia o le Atu Kuki, Mark Brown ina ua uma ona sainia le feagaiga ma Saina i le Aso Faraile.
Sa faamatalaina e Brown o le feagaiga ua iai nei ma Saina e o faatasi ma le feagaiga ma Niu Sila, ma e leai lava foi se eseesega ma isi feagaiga faavaomalo o loo faia e Niu Sila faapea isi atunuu i le va ma Saina.
Na ta’ua foi e Brown, o Saina e lē fou lana lagolago i le Atu Kuki, lea ua tusa nei ma le 28 tausaga.
Ae i se tali mai le sooupu a le minisita o le va i fafo a Niu Sila i le Aso Toonai, o loo toe silasila toto’a nei iai Niu Sila i lana faiga faapaaga ma le Atu Kuki ma o le a faatali se tali aloa’ia a Niu Sila i le taimi e faailoa faalaua’itele mai ai e le Atu Kuki lana maliega ua iai nei ma Saina.
Puna o Faamatalaga: ‘Deal with China complements, not replaces, NZ relationship’ – Cook Islands PM | RNZ News
