Na aveesea faavave ese mai tagata sa i totonu o le fale faamasino faaitumalo i North Shore i le taeao analeila ona o le faamata’u o se pomu i lea nofoaga.
Fai mai le Herald o le faamata’u na maua atu i se imeli i le taeao analeila ma e tali faapea foi faamata’u sa aafia ai aoga ma faamasinoga faapea ofisa o le malo ma nisi o talitonuga.
E lē o faailoaina mai le faaupuga o le faamata’u peitai ua ta’ua e se sooupu a le matagaluega o Faamasinoga, e moni na aveesea uma mai tagata mai le fale faamasino.
E lē o mafai ona faailoaina faalauaitele faamatalaga e tusa o lenei mataupu ae ua faamanino e leoleo o loo faagaioi le latou suesuega ma galulue foi ma le matagaluega o faamasinoga.
