Ao tausaili ai ni fomai I Niu Sila, ua atili faigata ai I le sau o le tala o le a faafaigofie e Ausetalia ona siitia atu fomai Niu Sila e galulue I o.
Amata mai le Aso Gafua o le vaiaso a sau o le a le toe moomia ona iloilo e le Royal Australian College of General Practitioners fomai faatalosaga atu mai Niu Sila, Peretania ma Aealani ina ia mafai ai ona galulue o ni fomai I Ausetalia.
O se tala faanoanoa I le Royal New Zealand College of General Practitioners e tusa ma saunoaga a le peresetene Samantha Murton, ona I lona talitonuga ua atili ai ona tuua e fomai Niu Sila le atunuu ma aafia ai ma auaunaga faafomai iinei.
O le saolotoga ua faia nei e Ausetalia o se laasaga tele lea, ma o lea e I le va o le 60 I le 100 fomai tuua Niu Sila mo Ausetalia I tausaga taitasi.
Fai mai ai ma le peresetene ia Murton ua matuai manaomia ma e taua tele le taumafai o Niu Sila e faatumau ana fomai iinei ma o a foi suiga e fia faia, ia faia I se taimi vave.
Puna o Faamatalaga: https://www.1news.co.nz/2024/10/16/aus-move-to-lure-kiwi-doctors-across-tasman-causes-concern/
