E 38 lala ole faletupe ole BNZ ole a tapunia I totonu o lefitu masina o lumanai nei e ui sa faailoa mai muamua ole a leai se faaletupe e tapunia seia oo ile 2022.
E 8 lala o le a tapunia ile afiafi ao lumanai le kirisimasi poo le xmas eve, e aofia ai Courtenay place Mt Maunganui ma Pakuranga. O leisi 14 e tapunia ile va o Fepuali ma Mati ole tausaga fou e aofia ai Waiheke, St Helliers, Cromwell ma Westport.
O leisi 16 ole a tapunia ile va o Aperila ma Iuni. Fai mai le kamupani, o le faamai ua suia uma ai fuafuaga. Taua mai o le a galulue le faletupe ma tagata faigaluega o loo I lala ua aafia ina ia sailia nisi avanoa faigaluega I is ilala ma o I latou uma o le a aafia o le a ofoina iai seisi avanoa faigaluega.
I Ueligitone, o loo faia nei galuega I le nofoaga fou ole BNZ I Whitmore St e tatala ile 2023. A taunuu atu iai I lea taimi ole a tuufaatasia loa le aufaigaluega mai is ilala e tolu o loo iai. O lala ile Metro ole a tapunia I le aso 24 o Tesema.
