O le Aso Sa o muamua nei e faia ai le sauniga faapitoa mulimuli a le Faatuatuaga Baha’i i Samoa ma Amerika Samoa i le maota tapua’i i Tiapapata, e faapitoa i tagata o isi lotu ma tapua’iga o loo auai i le Fono a Malo o le Taupulega.

Ua faailoa e le faatuatuaga Baha’i i se pepa o faamatalaga faalauiloa, o le tapua’iga faapitoa i le Aso Sa ua mavae e silia i le 300 tagata na auai ma o se sauniga sa faaaogā ai tusitusiga paia mai le lotu Kerisiano, o le tapua’iga Mosalemi, lotu Iutaia, Budda ma le Hindu, ae sa faaaogā ai gagana e pei o le faapeletania, gagana Arapi, Hindi, Farani, ma le gagana ua ta’ua o le Tok Pisin.

O le autasiga o tagata ma atunuu i lanu ma gagana eseese o le tasi lea o sini tāua, e galulue faatasi ai tagata uma e ausia manulauti o fuafuaga e sa’ili ai ni fofō i faafitauli ua fetaia’i ma le lalolagi ona o suiga o le tau, o se tasi o autū o ia sauniga faapitoa.