Ua talia le talosaga a leoleo e faamatuu mai le malosi’aga faaletulafono e latou te taofia ai aseta e umia e tama Aukilani e to’alua o loo tuua’ia i faiga taufaasese.

Faiga taufaasese nei e faapea e oo atu i le $2 miliona ma o tupe nei na totogiina atu e le Work and Income poo le WINZ mo meaafale a tagata o loo tala penefiti.

O ni faiga piopio e faapea ua silia ma le 7 tausaga o fai, mai ia Setema o le 2017 e oo mai ia Mati o le 2023.

O alii foi nei o loo maua i faamaumauga a le Companies Office lea o loo lesitala ai kamupani, o nisi e iai sootaga ma le pisinisi meaafale i Aukilani.

O le faatagana faaletulafono ua faamatuu mai e le faamasinoga i leoleo ua taofia ai nei aseta lea e aofia ai fale e tusa ma le $3.24 miliona ma tupe i teugatupe e silia ma le $500,000.

E lē o tele se tala mai le matagaluega a le Social Development ona o lea ua i luma o le faamasinoga lenei mataupu pau o lea na ona fai mai, o lea lava na faia su’esu’ega masani a le matagaluega ma e lē māmā foi i le matagaluega lana pitolaau o le faasoa lelei o tupe a tagata totogi lafoga.

Puna o Faamatalaga: Police probing alleged $2m MSD fraud seize cash, property | RNZ News