Ua aga’i le malo e faia suiga i le tulafono e sa’oloto ai ofisa faasalalau e faia faasalalauga faapisinisi i Aso Sa ma aso mālōlō.
O le aso ananafi lea na amata talanoaina ai lenei tulafono, ma mai le minisita o ofisa faasalalau Paul Goldsmith, o se suiga o le a maua ai le oo atu i le $6 miliona mo le maketi o faasalalauga ma e fesoasoani tele lea a o faigatā ai lenei auaunaga.
Na saunoa Goldsmith, e lē o toe aogā foi le tulafono o loo iai pe a fua i le sau i luma o le tekonolosi ma faiga ua iai i nei ona vaitau.
I le taimi nei e lē o faatagaina faasalalauga faapisinisi nei i luga o televise i Aso Sa faapea le taeao o le ANZAC Day, ae o le aso o le Kerisimasi, Aso Faraile o le aso maliu ma le Aso Sa o le toetu – e lē faatagaina faasalalauga faapisinisi i televise faapea leitio.
O se suiga foi o le a laugatasia ai foi ma isi ofisa faasalalau o loo faaaogāina digital streaming.
Puna o Faamatalaga: Legislation paves way to relax advertising rules for media | RNZ News
