Faamauina i totonu o le tausaga na faai’uina i le masina o Setema le to’atele o tagata Niu Sila ua tuua le atunuu, ma o le ‘afa o i latou nei ua malaga i Ausetalia.

Mai le ofisa o faamaumauga a le atunuu, o loo pa’ū le fuainumera o tagata omai i Niu Sila, ae ua alu i luga le fuainumera o tagata oese atu.

Faamaumauga o tagata tuua le atunuu e 79,700 faamauina i totonu o le piriota ua ta’ua, faatusa lea i le na o le 24,900 tagata na omai.

E lē o faate’ia ai tagata su’esu’e faapitoa lea ua fai mai, atonu o le a iai pea i lea maualuga mo se taimi ona o lea o loo sa’ili manuia le to’atele o tagata i fafo .

O le filifilia ai foi e tagata o Ausetalia e o iai, o loo vavalo foi e i latou nei atonu o le a faaauau ai pea mo se taimi ona o le tosina iai i lona tamaoaiga ma avanoa faigaluega.

O le manatu o nisi tagata su’esu’e faapitoa i le itu tau tamaoaiga, atonu o le faaleleia o le tamaoaiga o Niu Sila i le tausaga fou o le a fesoasoani ai e taofiofi ai le to’atele iinei.

Puna o Faamatalaga: https://www.1news.co.nz/2024/11/13/lure-of-australia-remains-strong-as-kiwis-leave-in-record-numbers/