E 26 tausaga le matua o le alii ua ave e leoleo e tusa ma le faalavelave tau taavale na tulai mai i Otara, hit and run.
E tigaina manu’aga o se tasi sa i luga o le auala i Hills Road i Otara i le po o le Aso Sa e mafua mai ina ua so’a e le taavale.
O se faamaoniga mai leoleo o le vaiaso nei e tulai ai lē ua taofia ma ua molia foi i le faaoomanu’a faapea ai ma le lē tu e laveai lē ua faamanu’alia.
O loo talosaga mai ai foi ma leoleo i soo se tasi na te silafia nisi faamatalaga e vave faafesootai atu.
