O Samoa ma Tonga lea o le a fai ma sui o le Oceania i le taamilosaga ta’ito’afitu a le lalolagi i le lakapi i le 2025 le World Sevens Challenger Series ina ua faamautū o la avanoa i le mae’a o le taamilosaga ta’ito’afitu a le Oceania na faia i Honiara.
O ‘au uma a alii ma tamaitai mai Samoa ua agavaa mo lea faamoemoe ina ua malo le Manu Samoa Sevens i le sa’iliga siamupini a le itupa o alii i ‘ai e 17-12 a Fiti.
O le Manusina Sevens na faia’ina i le Fijiana i le finals ae agavaa pea ona ua mae’a ona iai le ‘au a Fiti i le HSBC Sevens.
O le ‘au a alii mai Tonga lea o le a to’alua ma Samoa e fai ma sui mai le Oceania.
O Tonga na malo ia Tuvalu ma saofia ai i le tulaga e pei ona faailoa atu, o se faamalosi’au i le aga’i i luma mo atunuu e lua i le taamilosaga o le lakapi ta’ito’afitu i le lalolagi.
Puna o Faamatalaga: https://www.rnz.co.nz/international/pacific-news/536061/samoa-and-tonga-secure-spots-in-2025-world-rugby-challenger-series
