O le tamaitai o Jacinda Ardern, le Palemia sa iai o Niu Sila o le a auai i se fonotaga o mataupu faa-Temokalasi, Democratic National Convention, o se faatasiga tele i upufai a Amerika ma e faia ina ia faapotopoto ai sui o le temokarasi a o lumanai ai le faigapalota tele a le atunuu ia Novema.
Ua faamaonia e Ardern e pei ona lipotia i le leitio faavaomalo a Niu Sila, o ia o le a saunoa ai i lea faatasiga i le agai atu i le faai’uga o le vaiaso.
O le faatasiga foi lea o loo fuafua e talia aloaia ai loa e Kamala Harris le tuuina o lona igoa e tauva mo le tofi peresetene.
O Chicago i Amerika ua fuafua e amata ai lea faatasiga i le asō ma ua lipotia pe ā ma le 50 afe sui auai o loo feta’ua’ina i lea faamoemoe ma o Ardern le uluai Palemia sa iai o Niu Sila o le a saunoa ai i lea faatasiga.
Puna o Faamatalaga: https://www.rnz.co.nz/news/political/525521/jacinda-ardern-to-speak-at-us-democratic-national-convention
