Na feaate’ia le City Mission i Kalaiesetete ina ua faaoo atu e tagata a latou cost of living payments e fesoasoani ai i le auaunaga.
E 1.3 miliona tagata Kiwi e oo mai i le Aso Lua ua maua ulua’i peimeni e $116.67 o le fesoasoani a le malo mo le tau o le soifuaga, poo i latou nei e $70,000 pe lalo ane foi tupe maua ma o loo faamalieina vaega uma.
A o sau ai la tala o nisi ua toe faafoi a o isi o loo tālia, ae mai le sui o le City Mission i Kalaiesetete, ua faafetaia i latou na amata aga’i atu i le Aso Gafua ma faaoo atu a latou tupe na maua mo le City Mission.
E oo mai ananafi o loo faaauau pea ona faaoo atu foa’i tupe a tagata ma o lea foi ua faafetaia e le Charity i luga o la latou itulau i le Facebook.
Molimau a le City Mission i Kalaiesetete ua faamauina i lenei taumālūlū le to’atele o tagata e aga’i atu e moomia le fesoasoani.
