Faate’ia le to’atele i Fiti i le tala ua maliu se tasi o tama taalo lakapi a le atunuu sa taalo i Falani i le kalapu a Castres Olympique.

E 30 tausaga o Josaia Raisuqe mai Fiti ua ta’ua i le RNZ na so’a e le train lana taavale i se nofoaga kolosi ma aafia ai.

O le 2021 na auai atu ai i le kalapu lea ae o se sui foi o le ‘au a Fiti na mālō i le pine siliva i le Olimipeka i Paris i le tausaga talu ai.

Ua faailoa foi faamaisega mai le aulakapi a le Drua mo Josaia aemaise nisi iloga i le taaloga e silafia sia alii taalo.

Ua faaoo foi faamaisega ma alofa’aga a le Asosi o taaloga a Fiti ma le komiti o le Olimipeka i lona aiga ona o le faalavelave ua tula’i mai ma faafetaia ai lona sao i le lakapi a le atunuu.

Puna o Faamatalaga: https://www.rnz.co.nz/international/pacific-news/560422/fiji-rugby-player-dead-in-car-crash-in-france