E fa itula na pogisa ai le falemai I North Shore I le po anapo ma iu ai ina auina atu nisi o gasegase I isi maota gasegase lata ane mo le faia o togafitiga. Ua mafua lea tulaga ona o le motusia o le eletise ua aafia ai foi ma le vaega o le emergency mai le ta o le 11 ile po anapo agai I le 3 I le vaveao analeila.
Lipotia e le Herald se faamatalaga mai le sooupu a le Waitemata District Health Board, ose faaletonu na tulai mai ao faia galuega faaleleia I le po anapo na motusia ai le auaunaga faaeletise.
Ua toe ola le eletise I le taimi nei mae le o iai ni aafia tele I gasegase o lipotia mai. O le vaega o le tineimu na o latou sapalaia le malamalama manaomia mo le maota gasegase ao faamaea galuega.
O le itu lelei ona na faailoa ese sooupu mai le maota gasegase e itiiti se aafiaga o le faaletonu na tulai mai I le auaunaga a le falemai tele I Aukilani lea sa auina atu iai nisi o gasegase I le po anapo.
Fai si faaletonu o le tau ile tele o vaega o le atunuu I le faaiuga o le vaiaso ma o loo mataitu foi nisi pitonuu e pei o Timaru ma Ashburton ona o lologa.
