Ua valaau nei le minisita mo suiga o le tau Chrsi Bowen i le faletupe o le lalolagi ina ia laa i luma i le mataupu e faatatau i suiga o le tau.
Ua lipotia i le 9news i le aso ananafi le faitioina e Bowen o nisi o auaunaga tau faletupe i le lē lava o a latou gaioiga e faia e tetee atu ai i suiga o le tau ma valaau foi i le World Bank ina ia sagai ane i le galuega o loo manaomia ona fai.
O le faamatalaga ua faia e le minisita i le uluai fonotaga a Malo Aufaatasi o loo faia nei i Aikupito ua toe faamautuina ai e Bowen le sao o Ausetalia i le manaoga o loo iai mai le COP 26 i Glasgow i le tausaga talu ai.
Na ta’ua foi e Bowen ua toe sii i luga le fesoasoani a Ausetalia mo le Pasefika ma Torres Strait lea ua folafola ai le 900 miliona e lagolago ai le atinae o aiga Pasefika i le fetaiai ai ma suiga o le tau.
