E tuufaatasia tala fou i le taeao nei ua toaiva tagata maliliu i Niu Sila ona o faalavelave tau taavale o lenei Kerisimasi faasolo atu i le Tausaga Fou.
O le aso lona ono o le piriota o aso fiafia, ma o le tagata o loo gata ai le faitau o le tagata e toatasi na maliu i le aoauli ananafi i le faalavelave na tulai mai i le State Highway 29 i Bay of Plenty.
O le aofai o tagata maliliu ua oo iai le faitau na amata faitau mai le itula e 4 i le afiafi o le Aso Faraile faatoa uma atu, ma e faaiuina i le taeao o le Aso Lulu o le vaiaso a sau.
O le Kerisimasi ma le Tausaga Fou o le tausaga talu ai na faamauina ai tagata maliliu ona o faalavelave tau taavale i luga o auala e 21.
A o alo atu ai i le faamanatuina o le Tausaga Fou i le faaiuga o lenei vaiaso faasolo atu i le vaiaso a sau, o le faamanatu a le matagaluega o femalagaa’iga, o le matafaioi a tagata taitoatasi le ave taavale faautauta ma ia faasao soifua.
