O le igoa o le alii o loo molia i le tele o moliaga e faatatau i le teuina faasolitulafono o tupe e silia ma le 1.7 miliona o le a lē mafai pea ona faailoa i le taimi nei ina ua taliaina e le Faamasinoga Faaitumalo i Aukilani lana talosaga e faauau pea ona faasā le faailoaina o lona igoa.
O le poloaiga a le faamasinoga o le a tumau pea seia aulia le isi aso e toe tulai ai lea alii i le faamasinoga lea ua faatulaga mo le aso 8 o Me.
O faamaumauga a le faamasinoga e pei ona lipotia e le televise tasi ua auiliili ai moliaga ma faamaumauga o lenei mataupu lea o loo tetee iai lea alii i moliaga uma.
Na pueina mai o ia mai Aukilani i Saute ma ave ai loa e leoleo ma faamaumauga ia ma masini komepiuta.
O le a faatalia la se isi tala lata mai o lenei mataupu pe a toe valaauina i le faamasinoga i le masina o Me.
