Ua tuu atu i tua le aso e tatala ai le faleoloa tele a le Costco i Sisifo o Aukilani.
O le masina lenei na fuafua e tatala ai faitoto’a o le ulua’i Costco i totonu o Niu Sila peitai o le tuai ona oo mai o le tele o totoga o le fale faapea ai ma isi aafiaga o le Koviti aemaise o le tau, ua toe tolopo ai.
Ese mai ai la i le faleoloa tele $100 miliona ua toe tuu atu i tua i na i vaiaso lona tatalaina, o loo faaauau pea ona pisi le pamu penisini a le Costco o loo tu faafesagai.
I luga o lipoti a le TV1, e eseese lava molimau a i latou o loo faaaogāina, o nisi o loo fiafia i le tele o le faamāmā avega faatusatusa i isi pamu penisini, a o isi ua faaalia sa amata e 30 sene le eseesega o le tau ma isi kamupani, a o lea pe na o le 5 sene lea ua eseese ai.
