Ua toe sui le tonu o le solo tetee a le aufaigaluega a le Auckland University of Technology, i le mae’a sau o le tala e faamalolo le tumau mo le lua vaiaso toe leai se totogi.
O le aso lea na filifili ai le iuni e amata ai le lua vaiaso e le faailoaina ai i fanau aoga togi, peitai na tali mai loa le iunivesite e malolo toe le totogia faapuupuu loa ma le umi o le tetee.
Ua suia mai ai e faia i le asō mai le itula e tasi i le lima i le afiafi nei, ma o lea foi o le a totogi uma pea itula nei.
Ua ta’ua i le iunivesite o se suiga ua sau ai i le mae’a o faatalanoaga ma feutanaiga na faia, ma o se faaiuga tonu foi lea ia aua ai nei taotaomia fua togi poo le makaina o meaaoga a fanau ona o le tetee.
Ae na ta’ua e le sooupu a le iuni, e le o malie i le faaiuga.
O le tetee lenei o loo faatalosagaina ai e le aufaigaluega le sii o o latou totogi i le 8%.
O se aso puupuu mo le aufaigaluega e le gata i le Auckland University of Technology ae faapea Iunivesite o Waikato, faapea iunivesite i Ueligitone ma Aukilani.
