O le aso lea ua faatulaga e toe tulai ai I luma o le faamasinoga le tina lea ua molia I le fasiotia o lana fanau teine e toatolu I Timaru. O Lauren Anne Dickason, 40 tausaga o loo fetauaina na ia faaoo le oti i lana fanau teine o Liane e 6 tausaga ma le masaga o Maya ma Karla e tai2 tausaga le matutua I lo latou fale I Timaru ile aso 16 o le masina na tea nei o Setema.
E tolu moliaga o le fasioti tagata na fofogaina I lana uluai tulai I le faamasinoga faaitumalo I Timaru I le aso 18 o Setema ma taofia ai e leoleo e faia suesuega i le falemai I Hillmorton i Kalaiesetete.
O lona tulai ai I luma o le faamasinoga I le aso o le a faaaoga ai faiga faaonaponei o le visual link mai le falemai. O loo taofia uma ona faasalalauina isi vaega e tusa ai o lea faalavelave ae o loo taua I le Newstalk o le aiga lea na faatoa taunuu mai I Timaru I le tasi le vaiaso ae lei tupu le faalavelave.
Na malaga mai I Timaru mai Pretoria I Aferika I Saute ma sa faanofoesea ina ua taunuu mai ile atunuu. O le tama o le aiga o Graham Dickason o se fomai ma ua iai lana galuega I le South Canterbury District Health Board.
