O lea ua faalauiloa sui o le a tauvā i le sailia ai o se tausala o Samoa i Niu Sila (Miss Samoa NZ), ma e toavalu (8) sui ua lautogia nei i le sailia ai o se tausala 2024-2025.
E toasefulu ma le valu (18) tamaitai na tusi talosaga ma faaalia lo latou fia auai i le tauvaga peitai e na o le toavalu sui ua filifilia nei.
O nei sui e aofia ai:
- Siniva Theresa Talamaivao-Nickel o Aukilani (Falefa, Sinamoga, Sapunaoa, Falealili, Fagaloa, Vaiee)
- Stephanie Mary Ah Lin o Aukilani (Papauta, Saoluafata, Solosolo, Nofoalii, Vaiusu, Saleaula)
- Konesitasia Pauga o Aukilani (Leauvaa, Poutasi-Falealili, Matautu-Falealili, Matafa’a, Lotofaga, Fagaloa)
- Deborah Angelique Lagaaia-Paulo o Aukilani (Faala-Palauli, Vailoa-Palauli, Gataivai, Siutu-Salailua, Mutiatele-Aleipata)
- Precious Miriama Tusega o Aukilani (Faleatiu, Tuanai, Sasina, Satupaitea)
- Daizy Mika Frost o Aukilani (Sinamoga, Fasitoo-Uta, Salelavalu, Fogapoa, Asau, Sataua)
- Maruseana Olivia Kelcey Sititi o Aukilani (Alafua, Lotopa, Safato’a-Lefaga, Tufulele, Poutasi-Falealili)
- Tava Landaesha Tyrell o Hamilton (Nuusuatia, Faleasiu)
O le tausaga nei e atoa iai le 33 tausaga talu ona faavae mai le sailiga o se tausala a Samoa i Niu Sila nei, ma ua faamoemoe e faataunuuina le tauvaga i le aso 8 o Iuni 2024.
Ua faailo foi le agaga faafetai o le Komiti o le Miss Samoa NZ i sui tamaitai uma na tusi talosaga atu.
