E toalima tagata ua pueina e leoleo i le mae’a o le faalogoina o le pā pā o fana i le itu i Saute i Sisifo o Sini. 

Na valaau ane leoleo i Charles St i Liverpool poo le tea o le 2 i le vaveao analeila ina ua faalogoina le pā pā ane o fana.

Na o latou lioina se poloka o fale i lea faaitu ma sa aofia ai foi ma leoleo suesue faapitoa. 

E tea laititi le 2 i le vaveao ae pueina loa e leoleo se tamaitai ina ua agai mai i fafo mai le nofoaga lea.

Poo le tea o le ‘afa o le lima i le vaveao lava ae mae’a loa le suesuega a leoleo ae ua toe pueina ai ma isi tamaitai e toalua ma alii foi e toalua. 

E leai ni lipoti o nisi o faamanualia ae o loo feagai leoleo ma le suesuega o le nofoaga lea ma talosagaina nisi e silafia ni faamatalaga ia valaau atu i le crimestoppers.