A o lumanai ai le latou fetauiga ma le ‘au malosi a Aferika i Saute, ua maitauina le taula’i o le silasila a le faia’oga, pulega ma le ‘au a le All Blacks ia latou tapenaga mo le amataga o le Rugby Championships lea e fetaui muamua ai ma Aferika i le Aso Sa. 

O le vaiaso nei sa agiga ai i faasalalauga nisi o lipoti o loo foliga o loo iai se lu’itau tele i tulaga i le laina i tua a le ‘au ae sa faailoa ai se finagalo o le kapeteni, Sam Cane e faapea e tāua le taula’i i vaega e faaleleia ai le taaloga ma e fai si tele o vaega o loo galulue ai i le taimi nei mo le faaleleia a o le’i amataina ia taaloga. 

O le a taaalo le All Blacks ma Aferika i Mbombela i Aferika i le Aso Sa a o le’i malaga atu i le taaloga lona lua i Johannesburg i le Ellis Park i le aso 14 o le masina nei lava.