O lea ua faailoa mai o le Aso Gafua lea o le a tatalaina ai le Sydney Metro ua leva ona faatalitali iai le toatele ma ua faamaonia mai lea faamatalaga e le Minisita o Fela’ua’iga i le mae’a o siaki mo le saogalemu sa faatinoina.
O le Minisita o Jo Haylen na ia folafola i luga o le X lea sa igoa muamua o le twitter, o le a tatala lea auaunaga i le Aso Gafua o lumanai nei.
O le aso 4 o Aokuso lea na folafola muamua e tatala ai lona uiga ua vaiaso ma le ‘afa lea ua faatuai ai ae manatu le toatele o le mea sili ua faamautu mai se aso tonu o lea faamoemoe.
Fai mai le minisita o le saogalemu ma le faamoemoeina e ave iai le latou faamuamua.
O le Metro city line e agai mai i le va o Sydenham ma Chatswood, afea ai Crows Nest, Victoria Cross, faasolo mai ai i Martin Place agai i Central ma Waterloo Station.
Puna o Faamatalaga: https://www.9news.com.au/national/sydney-metro-cleared-for-opening-safety-regulator-says/57a2026b-7324-441b-9e56-498363ce393a
