E fai si tele o childcare centers poo nofoaga e vaaia ai tamaiti I Ausetalia, e silia male 100 ua tapunia ile taimi nei ao faaauau ai le pepesi o le omicron variant ile atunuu atoa. Ua valaau foi tagata I faigamalo mo ni fesoasoani tau tupe e le gata I pisinisi ae mo tagata lautele foi.
Fai mai se lipoti lata mai ile mataupu lea e 266 childcare centres na tapunia I le vaiaso nei ise tulaga le tumau ona o mafuaaga tau le soifua maloloina. Fai mai I latou o loo feagai ma le faafoeina o nofoaga e vaaia ai tamaiti ua malosi le pepesi a le koviti 19 I nofoaga ia mae manaomia foi fesoasoani tau tupe faaopoopo e fesoasoani ai I le faaauauina o lea auaunaga ise tulaga saogalemu.
O le itu e popole ai I latou ia ona afai e leai se fesoasoani mautu e faaauauina ai lea auaunaga ile taimi o le pepesi tele o le faamai, e le taumate o le a tapunia tumau loa le tele o nei nofoaga ma o se faafitauli foi lea mo le tele o aiga.
Fai mai le mau a nisi ile matuapu lea ua faatuai tele faigamalo I le faiao sefuafuaga e fesoasoani ai I ia auaunaga. I lalo o Tulafono fou na ioeina e le kapeneta ile vaiaso talu ai o loo poloaina ai faiaoga ma tagata galulue I auaunaga tau aoaoga , e avea ma close contacts, ua mafai nei ona toe faaauau ona agai I galuega pe afai e le o iai ni auga o le faamai e aafia ai.
E manatu nisi I totonu o lea vaega o oauaunaga, o se tulaga ua lamatia ai le soifua o tagata aemaise le aufaigaluega ae aupito sili ai le popolega I fanau iti ona e le o mafai ona faia ni o latou tui puipui e puipuia ai mai le faamai ile taimi nei.
