Tala faanoanoa ua sau o le a tapunia faitoto’a o le foodbank tele i Canterbury, ma e tapuni a o lei faia le Kerisimasi.
O le Aso Faraile o le vaiaso fou le 22 o Tesema lea ua sau ai le tala o le a tapunia le Foodbank Canterbury ma ua mafua lea i le faaletonu o tala o le tupe ma ua lē mafai ai ona totogi le fale o loo nofo totogi ai faapea totogi o tagata faigaluega.
E le’i faigofie le faai’uga ma e faapea o lea lava na fono le laulau a fono i le mae’a fautuaina e le Foodbank International.
E tusa ma le to’aiva tagata faigaluega o le a lē toe iai ni a latou galuega, ma a o le’i tapunia aloa’ia faitoto’a o le Foodbank Canterbury, o le Aso Lulu o le vaiaso fou e faagata ai le tufatufaina o mea’ai.
O le Foodbank Canterbury o le a tapuni, o ia lea o le lālā autū o loo ia sapalaiina isi lālā e silia ma le tasi selau foodbanks, poo lea foi e tele ina iloa ai e le tagata o le Foodbank Aotearoa New Zealand.
Puna o Faamatalaga: https://www.thepress.co.nz/nz-news/350127138/we-were-going-be-insolvent-canterburys-largest-foodbank-closed-christmas
