Ua tapena le solo tetee tele a aoga ona o faiga faavae ua faailoa mai e le malo e faatatau i le tau.

O le solo tetee ua faamatalaina o le solo aupito i tele lea i totonu o Niu Sila e faia e aoga ma tagata maututua, ma o le aso 5 o le masina fou lea ua fai mai e fai ai.

E lē tasi se vaega o Niu Sila o le a faia ai, ma o lea o le a faia i soo se aai o Niu Sila.

E lē o mautinoa poo le ā le tele o le fuainumera o tagata o le a auai ai, ae i savali o tausaga ua mavae na auai ai le silia ma le 38,000.

I se pepa o faamatalaga na lipotia mai e le Newshub ananafi, o le auga o nei solo tetee o le mafai lea ona tatai le silasila a le malo faapea puleganuu i gaioiga e atili faaleleia ai le siosiomaga lea e aofia ai le faaaloalogia pea o le feagaiga, faatumau le faasā ona toe faatau ola o manu papalagi i atunuu i fafo aemaise o le faatumau o nisi o sā faasaga i le suauu ma kasa.

O le mau mai ia i latou o loo tuufaatasia nei solo tetee, ua moomia vave le faaleo o finagalo i le malo.